රජරටින් නව ලෝකය සොයා යන ජන සන්නිවේදන විද්‍යාර්ථයින්ගේ නවමු ඩිජිටල් අත්දැකීම “Mass Tv Rajarata” ඩිජිටල් නාලිකාව එළිදැක්වීම සහ විකාශන කටයුතු ආරම්භ කිරීම 2024/10/15 වන දින ශ්‍රී ලංකා රජරට විශ්වවිද්‍යාලයීය සමාජීයවිද්‍යා හා මානවශාස්ත්‍ර පීඨයේ මාධ්‍යය ඒකකය අසල උත්සවාකාරයෙන් පැවැත්විණි.
Mass Tv Rajarata නිල සන්නාමය එළිදැක්වීමෙන් අනතුරුව මාධ්‍ය විද්‍යාගාරය තුළදී පළමු සජීවී විකාශනය සිදු විය. මෙම අවස්ථාවට සමාජීයවිද්‍යා හා මානවශාස්ත්‍ර පීඨයේ පීඨාධිපති මහාචාර්ය E. M. S. ඒකනායක, මානවශාස්ත්‍ර අධ්‍යයන අංශයේ අංශාධිපති මහාචාර්ය M. K. L. අයිරාංගනී, ජ්‍යෙෂ්ඨ සහකාර ලේඛකාධිකාරීතුමා, මාධ්‍ය ඒකකයේ අධ්‍යක්ෂ ආචාර්ය නෙලංග ජයසිංහ, සෙසු අධ්‍යයන අංශවල අංශාධිපතිවරුන්, කථිකාචාර්යවරුන්, සහය කථිකාචාර්යවරුන් සහ ජන සන්නිවේදන ශිෂ්‍ය විද්‍යාර්ථයින් බොහෝ පිරිසක් සම්බන්ධ විය
